– प्रविण जाधव, गणेश चव्हाण, उर्मिला निरगुडे, नयना रामवंशी यांचा झंझावाती प्रचार
पंचवटी । प्रतिनिधी
महापालिका प्रभाग क्र. १ मध्ये शिवसेना (शिंदे) पक्षाचे अधिकृत उमेदवार प्रविणभाऊ रमेश जाधव (१ड), गणेशभाऊ चिंतामण चव्हाण (१ब), उर्मिलाताई सुनिल निरगुडे (१क), नयनाताई रविंद्र रामवंशी (१अ) यांच्या प्रचारार्थ कंसारा माता चौकापासून रॅलीला प्रारंभ झाला. प्रभात नगर, एकता नगर, सोम मिसळ, संभाजी नगर,षलगरे कॉलनी, केतकी नगर, बोरगड, म्हसरूळ आदी परिसरातील मतदारांच्या प्रत्यक्ष भेटी घेण्यात आल्या. या दरम्यान प्रभागातील मतदार तसेच शिवसैनिकांनी यंदा परिवर्तन घडवणारच, असा ठाम विश्वास व्यक्त केला. तसेच उपमुख्यमंत्री एकनाथ शिंदे यांनी लाडक्या बहिणींना दिलेल्या आधाराची परतफेड मतदानाच्या रुपाने करणार असल्याची ग्वाही भगिनी वर्गाने दिली.
प्रभाग एकमध्ये २५ वर्षापासून एकाच पक्षाची सत्ता असूनही रस्ते, पाणी, स्वच्छता तसेच आरोग्याचा प्रश्न जैसे थे आहे. हा प्रभाग विकासापासून वंचित राहिल्याची खंत नागरिकांनी व्यक्त केली. ही परिस्थिती बदलायची असेल तर परिवर्तन घडणे गरजेचे आहे. मागील नगरसेवकांनी कोणतेही लोकोपयोगी कामे केली नाही. त्यामुळे परिवर्तन हाच त्यावरील उपाय आहे. प्रविण जाधव यांनी कोणतीही सत्ता नसताना पदरमोड करून प्रभागात विकासाची कामे केली. कोविड सारख्या संकटात अनेक कुटुंबांना मदतीचा हात दिला. लोकप्रतिनिधी कसा असावा, याचे उदाहरण म्हणजे प्रविण जाधव असून ते आपल्या तीन सहकाऱ्यांना सोबत घेत नक्कीच प्रभागाचा कायापालट करतील.
यंदाची निवडणूक शिवसैनिकांसाठी अस्मितेची लढत आहे. गेली अनेक वर्ष या प्रभागात पैसा व सत्ता याच समीकरणाचा बोलबाला होता. त्यामुळे विकासाची कामे झालीच नाही. हे चित्र बदलण्यासाठी सर्व शिवसैनिक एकवटले असून यंदा प्रभाग क्रमांक एक मध्ये परिवर्तन नक्की होईल. प्रविण जाधव व त्यांचे सहकारी महापालिका सभागृहात आपल्या कामाचा ठसा उमटवतील व प्रभागाचा कायापालट करतील.
राज्याचे उपमुख्यमंत्री व शिवसेना पक्षाचे मुख्य नेते ना. एकनाथ शिंदे यांनी राज्यातील महिलांसाठी ‘लाडकी बहीण योजना’ अस्तित्वात आणून महिला व युवतींना आधार दिला आहे. त्याची परतफेड मतदानातून नक्कीच करणार. प्रभाग एकमध्ये मागील कालावधीत कोणतीही कामे झालेली नाहीत. त्यामुळे रस्ते, पिण्याचे पाणी, आरोग्य, स्वच्छता आदी प्रश्न तसेच आहेत. यासाठी महिला व युवती यंदा परिवर्तन घडवणार व प्रविण जाधव आणि सहकाऱ्यांना बहुमताने निवडून आणणार असा ठाम विश्वास महिला मतदारांनी व्यक्त केला.
