नाशिक – विशेष प्रतिनिधी
जीवनात यशस्वी होण्यासाठी उत्तम नेतृत्व कौशल्याची आवश्यकता असून सर्वांशी प्रभावीरित्या संवाद साधणे, आपल्या टीममधील सहकाऱ्यांची क्षमता जाणून घेऊन त्याप्रमाणे त्यांना प्रेरणा देणे व सांघिकरित्या त्या सर्वांकडून कार्य करून घेणे आणि त्याद्वारे संस्थेची उद्दिष्टे साध्य करणे आवश्यक असते, असे उद्गार प्रा. पंकज नागमोती यांनी काढले.
रोटरी क्लब ऑफ नाशिक आयोजित ‘नेतृत्व कौशल्य’ या विषयावर ते बोलत होते. नेतृत्व घडविणे ही एक कला असून यशस्वी नेतृत्वासाठी त्या नेत्यांमध्ये विश्वासहार्यता, प्रामाणिकपणा, आत्मविश्वास, सर्जनशीलता या गुणांची आवश्यकता असते, हे त्यांनी छत्रपती शिवाजी महाराज, प्रभू रामचंद्र, हनुमान, श्रीकृष्ण यांची उदाहरणे देऊन स्पष्ट केले. कार्यक्रमाच्या अध्यक्षस्थानी डॉ. गौरव सामनेरकर होते. हा कार्यक्रम रोटरी हॉल, गंजमाळ येथे संपन्न झाला.
याप्रसंगी सीए रेखा पटवर्धन मकरंद चिंधडे, भरत बिरारी, अॅड. राजेश्वरी बालाजीवाले, शिल्पा पारख, दिलीप बेनिवाल, रामनाथ जगताप, डॉ.नागेश मदनुरकर, विजय दिनानी आदी उपस्थित होते. कार्यक्रम यशस्वी करण्यासाठी मोना सामनेरकर, भरत बिरारी, रोहित देशपांडे व लीना बाकरे यांनी मेहनत घेतली. सूत्रसंचालन रोहित देशपांडे व लीना बाकरे यांनी केले. सीए रेखा पटवर्धन यांनी आभार मानले.
