अहमदाबाद –
येथील सरदार वल्लभभाई आंतरराष्ट्रीय विमानतळाच्या सीमेजवळच झालेल्या एअर इंडियाच्या एआय-१७१ (बोइंग ७८७-८ ड्रीमलायनर – सीरियल नंबर ३६२७९) विमानातून रमेश विश्वास कुमार हा प्रवासी धाडसामुळे बचावला असल्याचे वृत्त आहे. मात्र सोबत प्रवास असलेल्या भावाबद्दल काहीच खबरबात न समजल्याने तो चिंतेत आहे.
अहमदाबाद विमान तळावरून प्रवासी विमानाने उड्डाण करताच काही क्षणातच ते अपघातग्रस्त झाले. या विमानात २३० प्रवासी व १२ क्रू मेंबर होते. लांब पल्ल्याचा प्रवास असल्याने विमानात भरपूर इंधन होते. यामुळे अपघातानंतर मोठा स्फोटसारखा आवाज होऊन विमान पेटले. यातील प्रवासी भाजल्याने मृतदेहांचा कोळसा झाला असून त्यामुळे नेमक्या किती प्रवाशांचा मृत्यू झाला, याबाबत अद्यापही गोंधळाची स्थिती आहे. म्हणूनच प्रशासनाने मृतदेहांची ओळख पटवण्यासाठी ‘डीएनए’ चाचणी करण्यासाठी
प्रवाशांच्या नातेवाईकांना रक्ताचे नमुने देण्याचे आवाहन केले आहे.
दरम्यान, अपघातग्रस्त विमानातील ११ ए या सीटवर प्रवास करणारा रमेश विश्वास कुमार हा प्रवासी धाडसामुळे बचावला आहे. अपघात होणार हे लक्षात आल्यामुळे विमान कोसळण्यापूर्वी त्याने उडी मारल्याचे सांगितलं जात आहे. स्फोटामुळे तो बेशुद्ध पडला. परंतू त्यानंतर शुद्धीवर आल्यानंतर मदतीसाठी आलेल्या नागरिकांच्या मदतीने रुग्णवाहिकेत जाऊन बसला. तेथून त्याला रुग्णालयात हलवण्यात आले आहे. अशाही परिस्थितीत तो विमानात असलेल्या आपल्या भावाविषयी चौकशी करत होता. तो मुळचा भारतीय असला तरी ब्रिटीश नागरिकत्व स्वीकारलेले आहे.
