नाशिकरोड – विशेष प्रतिनिधी
पोटच्या सहा वर्षाच्या चिमुकलीला गळफास देऊन नंतर उपनगर पोलीस ठाण्यात कार्यरत असलेल्या पोलीस कर्मचाऱ्याने आत्महत्या केल्याची खळबळ
घटना मंगळवारी घडली. या घटनेने पोलीस दल हादरले असून यामागील निश्चित कारण अद्याप समजू शकले नाही.
याबाबत अधिक माहिती अशी की उपनगर पोलीस ठाण्यात नेमणुकीस असलेल्या स्वप्निल गायकवाड (वय ३४) यांनी आपल्या सहा वर्षाच्या भैरवी या मुलीला गळफास देऊन खून केला. त्यानंतर स्वतः गळफास घेत आत्महत्या करून जीवन संपवले. याबाबत पोलिसांनी सांगितले की, काही दिवसापूर्वी पोलिस अंमलदार स्वप्निल गायकवाड याचे पत्नीसोबत वाद होत असल्याने त्यांनी घटस्फोट घेतला होता. या घटनेची माहिती मिळताच नाशिकरोड पोलीस ठाण्याचे वरिष्ठ पोलीस निरीक्षक जितेंद्र सपकाळे व अधिकारी कर्मचारी यांनी घटनास्थळी धाव घेतली आहे.
