– ‘रोटरी क्लब ऑफ नाशिक’ तर्फे ‘मना सज्जना’ वर व्याख्यान संपन्न
नाशिक – विशेष प्रतिनिधी
मन म्हणजे आपल्या विचारांचं भावनांचं एक महत्त्वाचे केंद्र असून संकट प्रसंगी देखील आपण आपले मन शांत ठेवणे ही एक कला आहे. सदिच्छा, सद्भावना क्षमा करण्याची वृत्ती , मित्रांच्या आनंदात सहभागी होणे व त्याद्वारे आपले जीवन आध्यात्मिक व सांस्कृतिक दृष्ट्या संपन्न करणे आवश्यक आहे, असे उद्गार डॉ. विनायक गोविलकर यांनी काढले . रोटरी क्लब ऑफ नाशिक तर्फे आयोजित ‘मना सज्जना ‘या विषयावर ते बोलत होते. कार्यक्रमाच्या अध्यक्षस्थानी डॉ. गौरव सामनेरकर होते. हा कार्यक्रम रोटरी हॉल गंजमाळ नाशिक येथे संपन्न झाला.
या कार्यक्रमाला अनिल सुकेणकर, दिलीप सिंग बेनीवाल, प्रफुल्ल बरडिया, मंगेश अपशंकर, ओमप्रकाश रावत, अॅड. मनीष चिंधडे, रवी महादेवकर, शिल्पा पारख, मोना सामनेरकर, रेखा पटवर्धन, मकरंद चिंधडे आदी उपस्थित होते. डॉ.गौरव सामनेरकर यांनी प्रास्ताविक केले. रेखा पटवर्धन (सेक्रेटरी) यांनी आभार मानले. कार्यक्रम यशस्वी करण्यासाठी अॅड.राजेश्वरी बालाजीवाले, डॉ. सोनाली चिंधडे, डॉ. विश्वजीत दळवी व हरिष गोरिंग्टल यांनी मेहनत घेतली.
