नाशिक – विशेष प्रतिनिधी
शहरातील सांस्कृतिक, सामाजिक, राजकीय यासह विविध क्षेत्रातील घडामोडींचे साक्षीदार असणारे व ११३ वर्षांची शतकोत्तर परंपरा लाभलेले ‘भगवंतराव’ मिठाई व रेस्टॉरंट हे नागपंचमीच्या सुमुहूर्तावर नाशिककरांसाठी खुले झाले आहे. विख्यात नेमबाज व अॉलिम्पिक पदक विजेते स्वप्निल कुसळे यांची उपस्थिती या कौटुंबिक सोहळ्याचे वैशिष्टये ठरले.
मेनरोडवरील पूर्वीच्या जागेत उभारण्यात आलेल्या नवीन व प्रशस्त वास्तूमध्ये ‘भगवंतराव’ चा ११४ वा वर्धापन दिन सोहळा उत्साह व उत्सवी वातावरणात संपन्न झाला. अॉलिम्पिक पदक विजेते स्वप्निल कुसळे यांच्या हस्ते दीप प्रज्वलन करण्यात आले. याप्रसंगी सुहास अष्टपुत्रे, मंगलाताई अष्टपुत्रे, अक्षय अष्टपुत्रे, सौ. कोमल अष्टपुत्रे, कु. मिशिता यांच्यासह गुजरातमधील सेवानिवृत्त वरिष्ठ पोलीस अधिकारी अतुल बारोट, सौ. अर्शी बारोट, ऋषी बारोट तसेच रा.स्व.संघाचे ज्येष्ठ पदाधिकारी रमेश गायधनी, ‘नामको’ चे संचालक प्रफुल्ल संचेती, माजी नगरसेवक हरिभाऊ लोणारी, विद्या देशपांडे, विठ्ठल देशपांडे, राजाभाऊ पाटेकर, आनंद दातार, विजय दातार, आर्किटेक्ट सागर काबरे, राजेंद्र ओढेकर, दिलीप सुंगधी, जगदीश भुतडा, मिलिंद मनोहर, देवेंद्र शहा यांच्यासह विविध क्षेत्रातील मान्यवर उपस्थित होते.
सातासमुद्रापार किर्ती पसरलेल्या नाशिकच्या मिसळचे जनक म्हणून ‘भगवंतराव’ ला नाशिककरांचीच नव्हे तर राज्याच्या विविध भागातून पसंती लाभली आहे. खाद्य पदार्थ, मिठाई तसेच दिवाळीचा खमंग फराळ हे ‘भगवंतराव’ चे वैशिष्टये. ‘भगवंतराव’ च्या या खाद्य परंपरेचे कौतूक करताना अॉलिम्पिक पदक विजेते स्वप्निल कुसळे यांनी मिसळीचाही आस्वाद घेतला. शतकोत्तर परंपरा लाभलेल्या ‘भगवंतराव’ ची यापुढील काळातही अविरत वाटचाल सुरू राहील असा विश्वास व्यक्त केला. या सोहळ्यानंतर नाशिककर खवय्यांची ‘भगवंतराव’ मध्ये गर्दी उसळली होती.
