नाशिक – विशेष प्रतिनिधी
नांदूर नाका परिसरात किरकोळ वादातून दोघा युवकांवर प्राणघातक हल्ला केल्याप्रकरणी गुन्हा दाखल असलेले भाजपाचे माजी नगरसेवक उद्धव
उर्फ बाबा बाबुराव निमसे यांना न्यायालयाने अंतरिम अटकपूर्व जामीन अर्ज मंजूर केला आहे. त्यामुळे निमसे यांना अटकेच्या कारवाईपासून दिलासा मिळाला आहे.
याबाबतचे अधिक वृत्त असे की, २२ अॉगस्ट रोजी सायंकाळी जनार्दन नगर (नांदुर नाका) परिसरात
दोन युवकांवर प्राणघातक हल्ला झाला होता. या हल्ल्यात राहुल धोत्रे व अजय कुसाळकर गंभीररित्या जखमी झाले होते. याप्रकरणी आडगाव पोलिसांनी नगरसेवक उद्धव निमसे यांच्यासह उद्धव उर्फ बाबा बाबुराव निमसे, पवन निमसे, संतोष मते, सचिन दिंडे, स्वप्निल बागुल, सुधीर निमसे, अक्षय अशोक पगार, मेघराज जोजारे, गणेश राजाभाऊ निमसे, रोशन जगताप, सुमित हांडोरे व इतरांविरुद्ध गुन्हा नोंदविण्यात आला होता. त्यापैकी मेघराज सुनील जोजारे, गणेश राजाभाऊ निमसे, रोशन लक्ष्मण जगताप, अक्षय अशोक पगार, सुधीर उर्फ गोटीराम माधवराव निमसे यांना अटक करण्यात आली होती.
निमसे यांच्यावतीने जिल्हा व अतिरिक्त सत्र (कोर्ट क्रमांक ६) न्यायाधीश श्रीमती घुले यांच्या न्यायालयात अटकपूर्व जामिनासाठी अर्ज करण्यात आला होता. निमसे यांच्यावतीने ज्येष्ठ विधीज्ञ अविनाश भिडे, ॲड. सूरज मंत्री यांनी काम बघितले. सरकारी व बचाव पक्षाचा युक्तीवाद झाल्यानंतर उद्धव निमसे यांना २८ अॉगस्टपर्यंत अंतरिम अटकपूर्व जामीन मंजूर करण्यात आला. यावर पुढील सुनावणी होईल.
