नाशिक – विशेष प्रतिनिधी
मराठी माणसाच्या उत्साहाचे प्रतिक असणाऱ्या आगामी गणेशोत्सवासाठी शहरातील सर्वात जुन्या व शतकोत्तर उत्सवाची परंपरा असणाऱ्या शहरातील रविवार कारंजा गणेशोत्सव मंडळ ट्रस्टच्या वासापुजन अर्थात मंडप पुजनाचा विधीवत सोहळा मंगळवारी (दि. २२) संपन्न झाला. मंडळाचा श्री सिद्धिविनायक श्रीमंत चांदीचा गणपती संपूर्ण राज्यात गणेशोत्सवाचे विशेष आकर्षण असतो. यंदाचे मंडळाचे १०७ वे वर्ष आहे.
मंडप पुजनाप्रसंगी मंडळाचे नरेंद्र (नंदुनाना) पवार,
हेमंत बोरा, जगदीश भुजबळ, पोपटराव नागपुरे, रविंद्र पवार, सुनिल मराठे, रोहन पवार आदी पदाधिकारी यांच्या हस्ते श्रीफळ वाढवून तसेच पूजन करुन मंडप उभारणीचा शुभारंभ करण्यात आला. मंडळाची श्री आरास व विसर्जन मिरवणुकीतील शिस्तबद्धता गणेशोत्सवाचे विशेष आकर्षण ठरत असते.
