नाशिक – विशेष प्रतिनिधी
तिसऱ्या श्रावणी सोमवारनिमित्त तसेच ब्रम्हगिरी प्रदक्षिणेसाठी जाणाऱ्या हजारो शिवभक्तांना वाहतुकीचा अडथळा होऊ नये यासाठी शहर वाहतूक शाखेने सीबीएस परिसरातील वाहतुकीत बदल केले आहे. हे बदल रविवारी (दि.१०) दुपारपासून ते सोमवारी (दि.११) रात्री आठ वाजेपर्यंत अंमलात राहतील.
पोलीस उपायुक्त चंद्रकांत खांडवी यांनी या संदर्भातील अधिसूचना जारी केली आहे. तिसऱ्या श्रावणी सोमवार निमित्ताने दि. ११ अॉगस्ट रोजी त्र्यंबकेश्वर येथे ब्रम्हगिरी प्रदक्षिणेस जाणेसाठी नाशिक शहरातून व जिल्हयातून मोठ्या प्रमाणात भाविक ठक्कर बसस्टॅण्ड सिबीएस येथे येत असतात. मेळा बसस्टैंड ठक्कर बाजार येथुन त्र्यंबकेश्वर येथे ये-जा करण्यासाठी विशेष एसटी बस तसेच सिटी बसेसचे आयोजन करण्यात आले आहे, त्यामुळे ठक्कर बसस्टॅण्ड परिसरात मोठया प्रमाणात भाविकांची गर्दी होत असते.
सदर मार्गावर वाहतुकीची कोंडी निर्माण होवु नये म्हणुन आम जनतेच्या सोयीसाठी दिनांक १० अॉगस्ट रोजी दुपारी दोन ते दिनांक ११ अॉगस्ट चे रात्री आठ वाजेपावेतो ठक्कर बसस्टॅण्ड परिसरातील तालुका पोलीस ठाणे, मेळा बसस्टॅण्ड ते मनसे कार्यालय ठक्कर बाजार (किशोर सुधारालयासमोरील रस्ता) सर्व प्रकारच्या वाहनांना (एसटी बस व सिटी बस वगळून) सर्वसाधारण वाहतुकीस प्रवेश बंद करून पर्यायी मार्गाने वळविण्यात आली आहे.
-: ‘प्रवेश बंद’, मार्ग :-
१) तालुका पोलीस ठाणे, मेळा बसस्टॅण्ड पासुन ते मनसे कार्यालय ठक्कर बाजार पावेतो (किशोर सुधारालय समोरील संपुर्ण रस्ता) जाणाऱ्या व येणाऱ्या रोडवर (एसटी बसेस / सिटी बसेस वगळून) इतर सर्व प्रकारच्या वाहनांना प्रवेश बंद असेल.
-: ‘पर्यायी मार्ग ‘:-
– तालुका पोलीस ठाणे ते ठक्कर बाजारकडे जाणारी वाहतुक ही सीबीएस सिग्नल मोडक सिग्नल मार्गे जातील.
– ठक्कर बाजार मनसे कार्यालयाकडुन सिबीएसकडे येणारी वाहतुक ही मोडक सिग्नल सिबीएस मार्गे येतील.
वरील सर्व निर्बंध हे पोलीस सेवेकरीता असलेली वाहने, अग्निशमन दलाची वाहने व रुग्णवाहिका, अत्यावश्यक व आपत्कालीन सेवेची वाहने यांना लागू राहणार नाहीत.
