– व्याज दरातही एक टक्के कपात…
पंचवटी – विशेष प्रतिनिधी
नाशिक जिल्हा पोलीस को-ऑप क्रेडिट सोसायटीची ७६ वी वार्षिक सर्वसाधारण सभा प.सा. नाट्यगृह नाशिक येथे खेळीमेळीच्या वातावरणात संपन्न झाली. या सभेकरता संस्थेचे जेष्ठ सभासद तसेच नवीन झालेले सभासद मोठ्या संख्येने उपस्थित होते. या सभेत अतिशय चांगले निर्णय घेण्यात आले. सर्वात महत्त्वाचा सभासदांच्या जिव्हाळ्याचा विषय म्हणजे व्याजाचा दर तो १०% वरून नऊ टक्के करण्यात आलेला आहे. तसेच लाभांश ०७ टक्के दराने देण्याचे जाहीर करण्यात आले.
तसेच यावर्षीपासून ज्या पोलीस सभासदांनी अखिल भारतीय पोलीस क्रीडा स्पर्धेमध्ये विशेष नैपुण्य प्राप्त केले असल्याने त्या सर्व सभासद खेळाडूंचा सत्कार करण्यात आला. तसेच पुढील वर्षापासून ज्या सभासदांचे पाल्य दहावी-बारावी मध्ये तसेच क्रीडा क्षेत्रात विशेष उल्लेखनीय कामगिरी करतील त्यांचा देखील सत्कार करण्याचे ठरवण्यात आले आहे. याशिवाय संस्थेचे सभासद शेअर्स वर्गणी रु. २०००/- ऐवजी रु. ३०००/- रुपये कपात करण्यासाठी देखील सर्व सभासदांनी संमती दिली आहे. या निर्णयामुळे सभासदांनासभा कर्ज वाटप करण्यासाठी फायदा होईल. संस्थेचे ऑफिस स्वतःच्या जागेत असावे यासाठी सर्व सभासदांनी जागा घेण्यासाठी देखील संमती दिली आहे. सदर सभेसाठी संस्थेचे चेअरमन रुपेश मुळाणे, व्हाईस चेअरमन अविनाश जुंदरे सर तसेच सर्व संचालक मंडळ उपस्थित होते.
