नवी दिल्ली –
देशाचे उपराष्ट्रपती व राज्यसभा सभापती जगदीप धनखड यांनी प्रकृतीच्या कारणास्तव राजीनामा दिला आहे. राष्ट्रपती द्रौपदी मुर्मू यांना पाठवलेल्या राजीनामा पत्रात धनखड यांनी आरोग्यासंबंधीची कारणे व उपचार घेण्यासाठी संविधानाच्या कलम ६७(अ) अंतर्गत राजीनामा देत असल्याचे नमूद केले आहे. विशेष म्हणजे आज सकाळपर्यंत ते राज्यसभेचे सभापती म्हणून कामकाज पाहत होते.
संसदेच्या पावसाळी सत्राच्या पहिल्याच दिवशी उपराष्ट्रपती जगदीप धनखड यांच्या राजीनाम्याचे वृत्त आले आहे. धनकड यांची पश्चिम बंगालच्या राज्यपाल पदाची कारकीर्दही चर्चित राहिली होती. अधिवेशनास सुरूवात होण्यापूर्वी धनकड यांनी देशातील राजकीय पक्ष व खासदार हे राष्ट्रवादी असून सर्वच राजकीय पक्षांमध्ये सौहार्द व परस्परांविषयी सन्मान राहील अशी अपेक्षा व्यक्त केली होती.
